Vizitën e parë në Ballkanin Perëndimor, si shef i Aleancës Veriatlantike, NATO, e bëri në Kosovë.
Sekretari i Përgjithshëm i NATO-s, Mark Rutte takoi krerët e shtetit të martën, me të cilët diskutoi për sigurinë në rajon, e ku kërkoi hapa konkret në dialogun Kosovë – Serbi.
E i pranishëm në takimin e Ruttes bashkë me kryeministrin Albin Kurti, ishte edhe ministri i Mbrojtjes, Ejup Maqedonci.
Se çfarë u diskutua aty, tregoi për tëvë1 vetë Maqedonci.
“Në takimet që kemi pasur që janë drejtuar nga kryeministri, ne kemi prezantuar edhe shqetësimet tona në raport me politikën hegjemoniste të Serbisë edhe të kërcënimeve që i kemi konvencionale dhe jo konvencionale… 07”33 çfarë po vazhdon të mbetët në Serbi është qasja hegjemoniste dhe roli i rëndësishëm që po vazhdon ta ketë Radojiçiq në politikën dhe sigurinë e Serbisë dhe janë bazat e përparme operacionale që Serbia vazhdon t’i mbajë përgjatë vijës kufitare”, tha ai.
Gjatë kësaj vizite të Rutte, të pranishëm ishin edhe ambasadorët e NATO-s, por edhe komandanti i forcave amerikane për Evropë dhe Afrikë, me të cilin është diskutuar edhe hapja e fabrikës së municionit.
Ministri Maqedonci thotë se kjo fabrikë do të drejtohet nga një kompani publike.
“Si ministri e Mbrojtjes dhe si kryesues i komisionit për fabrikën e municionit, kam fokus normalisht hapjen e Fabrikës e cila do të drejtohet nga një kompani publike e cila do të prodhoi municione për nevojat e institucioneve të sigurisë por edhe për të eksportuar jashtë vendit, edhe në takimin me komandantin e forcave amerikane për Evropë dhe Afrikë, është diskutuar mundësia e thellimit me Shtetet e Bashkuara të Amerikës në industrinë e Mbrojtjes”, tha ai.
Në mbledhjen e fundit të së mërkurës, Qeveria e Kosovës miratoi nismën për lidhje të marrëveshjes kornizë me SHBA-në, për mundësi të reja në fushën e sigurisë dhe mbrojtjes.
Ndërkaq, për herë të parë në Kosovë, në ushtrimin Defender2025, do të vendoset një kontingjent amerikan që do të vëzhgojë këtë ushtrim nga jugu i Kosovës.
