Ministri i Mbrojtjes, Ejup Maqedonci ka njoftuar se Qendra Ndërkombëtare e Trajnimit të Kërkim Shpëtimit (QNTKSH) është duke realizuar trajnimin e brendshëm për “Kërkim- Shpëtim në kushte dimërore – Ski”, duke theksuar se kjo qendër po bëhet e klasit botëror.
Maqedonci gjithashtu ka thënë se skijimi bazik dhe i avancuar janë disa nga shkathtësitë të cilat do të trajnohen ushtarakët.
“Skijimi bazik dhe i avansuar, kërkimi, trajtimi dhe evakuimi i viktimave nga zonat malore në kushte dimërore, organizimi dhe ekzekutimi i operacioneve në raste orteku, si dhe evakuimi i personave te ngujuar janë disa nga shkathtësitë të cilat do të trajnohen ushtarakët tanë”, ka shkruar ai në Facebook. /teve1.info/
