Ministri i Mbrojtjes, Ejup Maqedonci është pritur në takim nga ministri i Mbrojtjes i Finlandës, Antti Häkkänen.
Maqedonci tha se me homologun e tij finlandez e ka njoftuar rreth zhvillimeve të fundit të sigurisë në regjionin e Ballkanit Perëndimor, me theks të veçantë rreth sigurisë në Kosovë dhe kërcënimeve me të cilat po ballafaqohet vendi. Teksa tha se e ka informuar edhe për kapacitetet e mbrojtjes dhe nevojës për mbështetje nga partnerët.
“Ministri Häkkänen theksoj se Finlanda do të vazhdoj të mbështesë fuqishëm integrimin e Kosovës në Bashkimin Evropian dhe anëtarësimin në NATO si dhe shprehu gatishmërinë e tij dhe të Ministrisë së Mbrojtjes së Finlandës për të thelluar bashkëpunimin me Republikën e Kosovës në fushën e mbrojtjes dhe sigurisë. Gjatë takimit diskutuam edhe për nevojën e vazhdimit té mbështetjes së luftës së drejtë të popullit të Ukrainës si dhe mundësitë për bashkëpunimin në mes të vendeve tona në fushën e industrisë së mbrojtjes”, tha Maqedonci
Tutje ministri ka thënë se gjatë qëndrimit të tij në Finlandë ka zhvilluar takime dhe me drejtuesit e Drejtorisë së Politikave të Mbrojtjes dhe Burimeve Materiale.
“Gjatë vizitës në Finlandë vizitova edhe Qendrën e Eksellencës së NATO-s dhe BE për kërcënimet hibride (Hybrid CeO). Me drejtoreshën e kësaj qendre diskutuam mundësitë e bashkëpunimit të ndërsjellë, me qëllim përballimin me kërcënimet hibride”, tha tutje ai./teve1.info./
