Ministri i Mbrojtjes, Ejup Maqedonci, ka deklaruar se ka mundësi që Tajvani dhe Kosova të bashkëpunojnë së bashku në mbrojtje, si dhe në fusha të tjera.
Duke folur para pjesëmarrësve të një paneli në Forumin e Sigurisë Halifax, i cili po mbahej për herë të parë në Taipei këtë javë, Maqedonci tha se Kosova dhe Tajvani përballen me kërcënime të ngjashme dhe madje “përballen me sisteme të ngjashme dhe [të njëjtat] armësh, sepse Serbia bleu shumë raketa dhe sisteme armatimi nga Kina”.
Për këtë arsye ai tha se ka mundësi për bashkëpunim në çështjet e mbrojtjes.
Për çështjen e buxheteve të mbrojtjes, Maqedonci tha se Evropa nuk ka investuar mjaftueshëm në mbrojtje, duke rrezikuar kështu paqen afatgjate.
“Kosova sot po ndërton fabrikën e saj për të prodhuar municion dhe Franca ende nuk e ka atë. Pra, tani, në gjithë këtë mjedis, mosndërtimi dhe mos investimi në mbrojtje ishte, mendoj, vendimi i gabuar nga Evropa”, tha Maqedonci raporton Domino Theory.
Duke folur më gjerësisht, Maqedonci tha se Tajvani dhe Kosova “po vazhdojnë të zhvillojnë shoqërinë demokratike./teve1.info/
