Ministri i Mbrojtjes, Ejup Maqedonci, ka njoftuar hapjen e konkursit për pranimin e 320 ushtarëve aktivë në Forcën e Sigurisë së Kosovës (FSK).
Përmes një postimi në Facebook, Maqedonci u ka bërë thirrje të rinjve që kanë guxim, disiplinë dhe përkushtim ndaj uniformës së ushtrisë që të aplikojnë dhe të bëhen pjesë e forcës që, sipas tij, mbron paqen dhe të ardhmen e vendit.
Ai ka theksuar se shërbimi në FSK është një mundësi për t’i shërbyer vendit me nder dhe krenari.
“Ministria e Mbrojtjes hap konkurs për 320 ushtarë aktivë në FSK. Nëse ke guxim, disiplinë dhe dashuri për uniformën e ushtrisë, nëse je gati të shërbesh me nder dhe përkushtim, kjo është thirrja jote. Bëhu pjesë e forcës që mbron Kosovën, paqen dhe të ardhmen tonë. Apliko dhe shërbe me krenari”, ka shkruar ai në Facebook.
