Ish–ministri i Mbrojtjes, Armend Mehaj dhe ministri i sapozgjedhur i këtij dikasteri, Ejup Maqedonci kanë bërë homazhe tek varri i veprimtarit Adem Demaçi.
Mehaj në Facebook tha se Demaçi do të mbetet gjithmonë simbol i qëndresës dhe rezistencës kombëtare, teksa theksoi se vizioni i tij do t’i udhëheqë në punën dhe angazhimet e tyre.
“Sot bashkë me Ministrin Maqedonci, bëmë homazhe tek varri i Adem Demaçit, i cili do të mbetet gjithmonë simbol i qëndresës dhe rezistencës sonë kombëtare. Vizioni i bacës Adem do të jetë ai që na udhëheqë neve në punën dhe angazhimet tona”, tha Mehaj./teve1.info./
