Ministri i Mbrojtjes, Ejup Maqedonci, ka dhënë detaje për takimin me ministrin letonez të Mbrojtjes, Andris Sprūds.
Maqedonci ka thënë se e ka njoftuar Spruds për gjendjen në veri të vendit pas sulmit terrorist në kanalin e ujit të Ibër-Lepencit, si dhe për rrezikun e përhershëm që Serbia paraqet për sigurinë e Ballkanit Perëndimor, siç thuhet si ‘shteti i vetëm që vazhdon të ruaj lidhje të afërta me Rusinë’.
“Në këtë aspekt theksuam dhe rëndësinë e shkëmbimit të përvojave në fushën e sigurisë dhe mbrojtjes, mbrojtjes totale, bashkëpunimit në avancimin e interesave të përbashkëta dhe promovimin e vlerave që Kosova dhe Letonia ndajnë përballë rreziqeve nga sistemet autokratike”, ka shkruar ai në Facebook.
