Ministri i Mbrojtjes, Ejup Maqedonci, të enjten ka pritur në takim ambasadorin e Shteteve të Bashkuara të Amerikës në Kosovë, Jeff Hovenier.
Maqedonci ka thënë se në takim kanë diskutuar për bashkëpunimin e dy vendeve në fushën e mbrojtjes si dhe për situatën e përgjithshme të sigurisë.
Po ashtu, gjatë takimit Maqedonci dhe Hovenier kanë diskutuar edhe për rëndësinë e vazhdimit të mbështetjes për luftën në Ukrainë dhe për kontributin aktiv të Kosovës si pjesë e Grupit të Kontaktit për Mbrojtjen e Ukrainës.
“Sot prita në takim Ambasadorin e SHBA-ve në Republikën e Kosovës, z. Jeff Hovenier. Me Ambasadorin Hovenier diskutuam për bashkëpunimin e vendeve tona në fushën e mbrojtjes dhe për situatën e përgjithshme të sigurisë. U pajtuam që thellimi i bashkëpunimit të vazhdoj të mbetet prioritet i dyanshëm. Gjatë takimit diskutuam edhe për rëndësinë e vazhdimit të mbështetjes për luftën e drejtë të popullit të Ukrainës si dhe kontributin aktiv të Kosovës si pjesë e Grupit të Kontaktit për Mbrojtjen e Ukrainës. SHBA është mbështetësi kryesor i Republikës së Kosovës në te gjitha fushat”, ka shkruar ai në Facebook./teve1.info/
