Zëdhënësi i Lëvizjes Vetëvendosje, Arlind Manxhuka, tha se ky subjekt politik nuk është i përfshirë në punësime partiake, e sipas tij, VV-ja ka qenë gjithmonë kundër praktikave të punësimit pa kriter.
Manxhuka tha se asnjë zyrtar i VV-së nuk e ka askënd të punësuar në KEK, derisa paralajmëroi padi për personat që deklaruan se VV-ja ka punësuar militantë.
“U tentua që e gjithë fushata ndaj VV-së të nisë duke akuzuar dy deputetë për punësime familjare, njëri doli të ketë vllaun në Kanada, por portalet ja punësuan në KEK, dhe tjetrit ja bënë një nip që nuk e dinte që e kishte derisa e pa në portale”, tha Manxhuka në Facebook.
Sipas tij ato që janë publikuar janë shpifje, dhe sipas tij për këto shpifje do të bëhen paditë përkatëse ditëve në vijim.
