Eurodeputeti austriak, Lukas Mandl, është i pranishëm në Kuvendin e dhjetë zgjedhor të LDK-së.
Mandl ka thënë LDK di si të bëjë miq, që janë ata të cilët i duhen Kosovës, duke shtuar se kjo parti është e duhura për Kosovën.
“Është ajo që ka nevojë Kosova. Ajo që i duhet Kosovës është sjellje diplomatike për të fituar këto lloj njohje të shumicës së shteteve në këtë planet. LDK-ja historikisht dhe ajo tash me Abdixhikun është në gjendje ta bëjë diplomatikisht si duhet. LDK di si të bëjë miq, që janë ata që i duhen Kosovës. Nëse ka diçka që Abdixhiku dhe ekipi i tij kanë dëshmuar këto dy vjet e gjysmë atëherë është se ky lidership është në gjendje të bëjë reforma. Keni treguar me LDK-në dhe do ta tregoni me Republikën e Kosovës”, ka thënë Mandl.
Ndërkaq, ai tha se Kosovës i duhen reforma të brendshme, në shëndetësi, arsim dhe çështje sociale.
