“Kjo qasje për neve lë për të dyshuar që kësaj radhe ata nuk kanë mundur që të zgjedhin anëtarë të afërt me partinë në pushtet dhe vetë e kanë prishur këtë proces të konkurrimit, duke e lënë këtë institucion jashtë funksionit”, ka thënë Manaj për emisionin “De Jure”, i cili po transmetohet në “Tëvë1” dhe “Betimi për Drejtësi”.
Manaj ka shtuar se partia në pushtet duhet të heqë dorë nga politizimi i institucioneve të pavarura dhe të sigurojë që këto institucione të jenë funksionale gjithherë, sepse defunksionalizimi për kohë të gjatë, në mënyrë zinxhirore po bën pengesa të mëdha në realizimin e shumë projekteve dhe në rastin konkret do të thotë vlera e projekteve është me qindra milionë euro.
Për më shumë ndiqeni hulumtimin “Lufta politike” për gjykatën e tenderëve, i cili po transmetohet në “Tëvë1” dhe “Betimi për Drejtësi”./Tëvë1/
