Sulmuesi i Kombëtares së Shqipërisë, Rey Manaj po e konfirmon veten si njëri prej sulmuesve më të mirë këtë edicion në kampionatin e Turqisë.
Në 32 paraqitje në Superligë me fanellën e Sivassporit, Manaj ka shënuar 18 gola kurse të martën është përfshirë në formacionin më të mirë të xhiros së 37-të.
Në fakt, Manaj është vlerësuar me notën 8.3 që ishte edhe më e larta nga të gjithë të tjerët. Në ndeshjen e fundit, Manaj asistoi në fitoren 3:1 të Sivassporit në udhëtim tek Istanbulspori.
Krahas Manajt, vend në formacionin me të mirë të javës ka zënë edhe mesfushori defensiv i Kosovës, Amar Gërxhaliu që luan tek Anatalyaspori.
Manaj verën e shkuar iu bashkua Sivassporit si lojtar i lirë dhe në total ka shënuar 22 gola në të gjitha garat deri më tani, ndërsa me ekipin turk ka kontratë deri në vitin 2026.
