Sulmuesi i Kombëtares së Shqipërisë, Rey Manaj ka befasuar me vendimin për të ardhmen e tij.
Manaj ka vendosur të largohet nga Sivasspori, por edhe nga Turqia për të vazhduar karrierën në Emiratet e Bashkuara Arabe.
Bëhet e ditur se Manaj do të transferohet te skuadra Al Sharjah, që ka arritur marrëveshje si me Sivassporin ashtu edhe me futbollistin.
Të mërkurën, mediumet në Turqi kanë raportuar se Manaj është rrugës për t’u prezantuar tek Al Sharjah, ekip që do ti paguajë Sivassporin 2 milionë euro për kartonin e tij.
Në anën tjetër, Manaj do të përfitojë 2.5 milionë euro në vit në Emiratet e Bashkuara Arabe duke u bërë ndër futbollistët më të paguar te Kombëtarja e Shqipërisë.
28-vjeçari në vitin 2023 iu bashkua Sivassporin dhe në 63 ndeshje zyrtare për këtë skuadër, ka shënuar 34 gola dhe ka bërë 8 asistime.
