Politologu, Albion Maloku ka vlerësuar se Albin Kurti kryeministri në detyrë dhe i nominuar edhe për një mandat nga Lëvizja Vetëvendosje, ka dhënë shenja se është i gatshëm për bashkëqeverisje pas zgjedhjeve të 28 dhjetorit.
Ai ka se nga LVV ka një pranim të realitetit demokratik parlamentar se “viti historik i 2021-ës për LVV-në nuk do të përsëritët më” .
“Unë shohë që z. Kurti ka shenja të racionalitetit në raportin me pozicionin që Lëvizja Vetëvendosje nuk do ta ketë më kurrë momentin historik sikur në vitin 2021 dhe sikur lë një derë të hapur prej tani për bashkëqeverisje me akterë tjerë politik dhe kjo është jashtëzakonisht e mirë”, ka thënë Maloku në emisionin “Këndi i Debatit” në Tëvë1.
Maloku ka folur edhe për Lidhjen Demokratike të Kosovës dhe refuzimin e saj për të bashkëqeverisur me LDK-në pas zgjedhjeve të shkurtit të këtij viti.
Sipas tij, refuzimi i LDK-së ka qenë i paarsyeshëm i cili ka dhënë mundësi edhe të interpretimeve të ndryshme.
“LDK nuk ka pas nevojë të mbahen në nishan pse ata nuk po duan të jenë në pozitë. Ajo cka unë ka dhënë si vërejte është mos pasjen e një po dhe shpjegimet që i ajnë dhënë të kohëpaskohshme për mua kanë qenë të paarsyeshme, kanë qenë të papranueshme”, ka thënë Maloku.
Ndryshe, Albin Kurti në mbledhjen e Këshillit të LVV-së, pasi u nominua për kryeministër , tha se më të nuk mund të ketë bashkëqeverisje ku bëhen pazare për terminale doganore e poste ambasadorësh.
