Politologu, Albinot Maloku, duke komentuar gjuhën e liderëve të partive opozitare në tubimet përmbyllëse të fushatës zgjedhore, ka thënë kryetari i LDK-së dhe kandidati për kryeministër, Lumir Abdixhiku duket se ka idoll kryetarin e VV-së, Albin Kurtin.
Ai ka thënë se tentimi i Abdixhikut për ta kopjuar Kurtin vërehet në çdo situatë.
“Kam përshtypjen që z.Abdixhiku e ka idoll z. Albin Kurti. Tentimi për ta kopjuar është në çdo situatë, përjashto një gjë që e ka origjinale të veten është ai narcizoizmi i tij i shprehur dhe i vërjetshëm fuqishëm. Situata ku vet thotë, i drejtohet masës me atë frazën që e kishin pas sot |, ‘O Lumir ti ku je, gjithë Kosovën këtu e ke’ për të nxit masën. Kjo është dallimi besoj. Por pash edhe diçka, një ndërgjegjësim të brendshëm, që ja tha ndërgjegjja ku tha ‘lutem që të kem arrit me përfaqësua rugovizmin si duhet’, pra edhe ai e kishte atë ndjesinë a e ka përfaqësua si duhet qatë rugovizmin. Por, sa i përket si fjalor, si shpjegime ka shumë kopje te kryeministri Kurti”, ka thënë Maloku në emisionin “Këndi i Debatit” në Tëvë1.
Sipas Malokut, gjuha e kandidatit të PDK-së për kryeministër, Bedri Hamza, ka qenë konsistenete edhe në tubimin përmbyllës.
Ndërsa, ka vlerësuar se kreu i AAK-së Ramush Haradinaj ka qenë më i ashpër se kolegu nga koalicioni Fatmir Limaj.
Maloku ka thënë se përmbyllja e fushatës së Koalicionit për Familjen ishte solid dhe premtues.
