“Ëshë një skenar sipas mendimit tim Qeveria e Beogradit, presidenti serb, Aleksandër Vuçiq e ka pasur që moti si objektiv pra ideja dhe qëllimi ka qenë që në momentet e caktuara”, tha Maloku.
Ai tutje theksoi se qeverinë serbe e ka trazuar projekti franko – gjerman.
“Duket që projekti franko-gjerman në një farë mënyre e ka trazuar qeverinë serbe dhe si pasojë e kësaj serbët të aktivizohen në këtë tërheqje taktike”, deklaroi Maloku në “Info Nata” në Tëvë1.
Më tej Maloku ka thënë tërheqja e përfaqësuesve serb nga institucionet e Kosovës po bëhet për t’a krijuar Asociacionin.
“Zajednica qeverisë serbe i shërben si një llojë trampoline për të kërkuar diçka më shumë, pra rreziku që neve na kanoset tani është që në vend që të bisedojmë për raporte me Serbinë ne tani e tutje ekziston rreziku që ta reduktojmë dialogun për pjesën veriore të Kosovës”, ka thënë Maloku.
Ndryshe, përfaqësuesit serb janë larguar nga institucionet e Kosovës. Krejt kjo erdhi pas vendimit të autoriteteve të Kosovës për suspendimin e drejtorit të Policisë së Kosovës për rajonin e veriut, Nenaq Gjuriq, i cili ka refuzuar që të zbatojë vendimin e Qeverisë për riregjistimin e veturave në RKS./teve1.info
