Politologu, Albinot Maloku ka thënë se të martën të gjitha subjektet politike vepruan njësoj duke mos kuptuar që Kosova dhe qytetari i saj ka nevoja imediate.
Maloku në emisionin “Këndi i Debatit” në Tëvë1 është shprehur se asnjëri subjekt politik nuk e kreu detyrën.
“Të gjitha subjektet politike nuk dëgjuan rekomandimet në vazhdimësi të njerëzve të cilët po tregojnë që më shumë e kanë interes vendin sesa subjektet politike dhe lojërat e tyre. Ato vepruan që të gjitha njësoj dhe nuk pash një dallim tek asnjëra prej tyre sa i përket të kuptuarit me urtësi se Kosova dhe qytetari i saj ka nevoja imediate. Gjithsesi tentimi për të formuar institucione të reja, qeveri të re me situatat të cilat i ofrojnë vendit institucione fragile kjo nuk i është dashur dhe nuk i duhet vendit, mirëpo në qoftë se e kemi këtë situatë gjithsesi që ato do të duhej ta shihnin Kosovën si të parën. Në këtë rrafsh unë konsideroj që se secili subjekt politik nuk e kreu detyrën”, ka thënë ai.
Seanca konstituive e Kuvendit të Kosovës ka dështuar, pasi deputetët nuk e kanë votuar raportin e Komisionit për verifikimin e mandateve.
Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës votuan kundër, votë të cilën ata e mbështetën në pretendimin se Albin Kurti dhe ministrat e kabinetit të tij duhet të japin dorëheqje nga ekzekutivi./teve1.info/
