Politologu Albinot Maloku ka thënë se veprimi i presidentes Osmani për tërheqje të lëndës nga Gjykata Kushtetuese lidhur me seancën konstituive të Kuvendit për shkak të gjyqtarit Radomir Laban, është i rrezikshëm.
Ai ka thënë se ky veprim është bërë për të nënçmuar Gjykatën Kushtetuese.
“Për mu ka qenë shqetësuese duke qenë presidente për kaq kohë në këtë situatë përmend që brenda Gjykatës Kushtetuese qenka një individ që kërcënon sigurinë kombëtare. Presidentja e bërë këtë veprim të rrezikshëm dhe për të nënçmuar Gjykatën Kushtetuese”, ka thënë ai në emisionin “Këndi i Debtatit” në Tëvë1.
Ai ka thënë se Osmani është presidente interesante që merr veprime të vonuara që sipas tij edhe me kalkulime politike.
“Me të vërtetë kjo presidente është interesante, merr veprime siç ka qenë ky i 22 korrikut, me vonesë edhe disa nga kërkesat e saj kanë lënë hapësirë me mendua që po bëhet politizim”, ka thënë Maloku.
Presidentja e Kosovës, Vjosa Osmani, të martën ka njoftuar se ka tërhequr kërkesën K0215/25 për interpretim kushtetues, të cilën e kishte paraqitur në Gjykatën Kushtetuese më 22 korrik 2025.
Vendimi sipas saj është bërë pas caktimit të gjyqtarit Radomir Laban si gjyqtar raportues i këtij rasti.
Sipas Osmanit, gjyqtari Laban është përfshirë në veprimtari të rrezikshme kundër Republikës së Kosovës në vitet 2018, 2021 dhe 2024.
Për këtë ka reaguar edhe Gjykata Kushtetuese.
Gjykata Kushtetuese reagon pas kërkesës së Osmanit për tërheqje të lëndës
