Politologu, Albinot Maloku ka thënë se tërmeti politik në LDK është rezultat i qasjes ndaj gjendjes aktuale nga kreu i partisë.
Ai ka thënë se kjo parti nuk kishte qëndrim të qartë si të ecët përpara gjatë krizës për formimin e institucioneve dhe nuk e ka as pas zgjedhjeve të 28 dhjetorit.
“Tërmeti politik që është duke ndodhur në LDK po ndodhë por një arsyeje, të mos profesionalizmit në komunikim me gjendjen aktuale nga kreu i partisë. Do të ishte mirë që Abdixhiku të jepte dorëheqje deri në një proces të rregullt zgjedhor. LDK nuk pati në asnjë moment një qëndrim të qartë të ecjes përpara dhe të njëjtën gjë është duke e përsëritë edhe pas 28 dhjetorit. Qëndrim s’ka pas kurrë për asgjë të prerë, nuk ka pas qëndrim të sqaruar dhe kishte me qenë i sqarushëm në situata dhe momente të caktuara”, ka thënë ai në emisionin “Këndi i Debatit” në Tëvë1.
Maloku ka thënë se situata akula në LDK po i konvenon Lëvizjes Vetëvendosje.
