Politologu Albinot Maloku, ka kritikuar veprimin e LDK-së e cila të enjten nuk e votoi rezolutën e propozuar në Kuvend, lidhur me procesin gjyqësor në Dhomat e Specializuara në Hagë.
Ai ka thënë se ky veprim është një kalkulim i ulët politik.
Maloku ka thënë se LDK ka qenë pjesë e qeverive dhe nuk ka marrë vendime konkrete.
Është një kalkulim jashtëzakonisht i ultë politik në momentet dhe rrethanat në të cilat është, për arsye se LDK ka pas kapacitetin mundësinë, rrethanat duke qenë në pushtet të angazhohej mirëfilli. Edhe ky veprim, pavarësisht se po tentohet të nxirret si një qëndrim i fuqishëm, për mua e humb peshën nga historiati dhe angazhimi i njerëzve të LDK-së kur ka pas fuqi shtetërore dhe mundësi për të veprua. Pesha e veprimit të sodit do të kishte pas një peshë komplet tjetër, sikurse të kishte një trajektore ndryshe nga e kaluara”, ka thënë Maloku në emisionin “Këndi i Debatit” në Tëvë1.
Shefja e Grupit Parlamentar të LDK-së, Jehona Lushaku Sadriu në seancën e së enjtes kërkoi që në tekstin e rezolutës të përfshihet edhe pikë, kur kërkohet zbardhja e vrasjeve të pasluftës, ku një numër i tyre kanë qenë zyrtarë të LDK-së.
Kjo nuk u mbështet nga Përparim Gruda i PDK-së i cili prezantoi tekstin e rezolutës.
Ai tha se teksti është hartuar nga ekspertë të cilën PDK e ka diskutuar dhe ka marrë mbështetjen edhe nga paritë tjera.
Edhe kryetarja e Kuvendit, Albulena Haxhiu tha se për këtë tekst janë pajtuar edhe në Kryesinë e Kuvendit, duke e hedhur në votim.
Kuvendi miraton rezolutën për procesin gjyqësor ndaj ish-krerëve të UÇK-së
