Politologu, Albinot Maloku ka deklaruar se ka pasur pritje shumë më të mëdha nga kryetari i Komunës së Gjilanit, Alban Hyseni.
Sipas Malokut, vështirësitë në funksionimin e Kuvendit Komunal, problemet në menaxhimin e buxhetit, si dhe kthimi i mjeteve financiare nga komuna në buxhetin e shtetit janë disa arsye të mospërmbushjes së pritjeve të tij.
“Pritjet e mia kanë qenë shumë më të mëdha. Unë po flas nga ajo që e kam parë dhe çfarë thonë njerëzit të cilët vijnë nga Komuna e Gjilanit të cilët kanë vërejtje shumë. Po flas për gjithë ato sfidat që kanë qenë më çështjen e Kuvendit komunal, çështjen e buxhetit për katër vite, për katër vite me pas deficit të madh kthim të parasë komunale tek buxheti i shtetit janë tregues të mjaftueshëm dhe është mëse e vërtetë nga këto premtimet dhe të cilat janë jetësuar kanë qenë këto që nuk e kanë pasur po themi atë peshën e fuqishme”, ka thënë ai në emisionin “Këndi i Debatit” në Tëvë1.
