Politologu, Albinot Maloku ka vlerësuar se ka një përafrim në mes të LVV-së dhe Nismës Socialdemokrate.
Ai ka thënë se një bashkëpunim i mundshëm ndërmjet këtyre dy partive nëse bëhet një koalicion transparent nuk ka asgjë të keqe, duke komentuar se deklaratën e Ramush Haradinaj i cili ka thënë se nëse Limaj bashkohet me Kurti do të ishte tradhti.
“Në këtë rrafsh nuk mund të flasim për kontrabandim nëse flasim për një subjekt politik, dhe kemi një marrëveshje, një koalicioni e cila në kushte normale do duhej të ishte transparente. Këtu nuk shoh asgjë të keqe nëse kemi një koalicion zyrtar. Shpjegimet anësore, fjalët lejnë me kuptua se ka një përafrim”, ka thënë Maloku në emisionin “InfoNata”.
Ai duke folur për seancën konstituive të Kuvendit që do të mbahet të martën ka thënë se ka mundësi që faza e parë e krijimit të institucioneve të reja të kryhet, por që sipas tij nuk garanton edhe formimin e qeverisë.
Maloku ka thënë se shumica e deputetëve të zgjedhur nuk janë që të shkohet në zgjedhje të reja.
“Shumica e deputetëve të zgjedhur nuk besoj që e kanë as pasionin, as luksin që të kemi zgjedhje të shpejta. Kalkulimet bëhet nga ata që nuk ndihen të rrezikuar nga një proces zgjedhor e që janë liderët e partive politike”, ka thënë Maloku.
