Politologu, Albiont Maloku ka akuzuar kandidatin e LDK-së për kryeministër Lumir Abdixhiku se po e kopjon kryeministri Albin Kurti.
Sipas tij, një gjë të tillë Abdixhiku e ka bërë që kur ka marrë postin e kryetarit të LDK-së.
“Ky në natyrshmërinë e tij nuk është askund. Tentimi për ta kopjuar në një formë ose tjetër prej momentit të ardhjes në krye të partisë, homologun e tij nga LVV nuk është e shëndetshme dhe nuk ka qenë në natyrshmërinë e LDK-së kurrë”, ka thënë Maloku në emisionin “Këndi i Debatit” në Tëvë1.
Ai është shprehur se Kurti nuk është shembulli më i mirë për tu kopjuar as nga mënyra e komunikimit dhe as qeverisjes.
“Të mënyra e komunikimit, kandidati i VV-së, Albin Kurti nuk është shembull me u marrë sa i përket mënyrës së komunikimit me qytetarët, bërjes së qeverisë dhe me tentuar me çdo kusht me marrë shembull kjo nuk është e shëndetshme”, ka thënë Maloku.
