18:10 Malisheva në Superligë edhe për edicionin 2022/23
Malisheva ka siguruar edhe për një edicion Superligën e Kosovës. Malisheva në barazhin e zhvilluar në stadiumin “Zahir Pajaziti” në Podujevë, ka fituar me rezultatin 3:1 ndaj Vushtrrisë.
Tifozët e Vushtrrisë demoluan portën që ishte pranë tribunës ku ata ishin të vendosur, ndërsa thyen edhe një numër të konsiderueshëm të karrigeve.
Të besuarit e Arsim Thaqit në pjesën e pare shkoj në pushim me epërsi prej dy golave, së pari shënoi Yoan Marc-Olivier në minutën e 17-të të ndeshjes, kur gjuajti fuqishëm pas harkimit të Ronald Sobowales. Ndërsa me pas Mërgim Pefqeli e dyfishoi epërsinë në minutën e 26-të, pasi u asistua nga Marc-Olivier.
Kurse edhe në pjesën e dytë Malisheva e dominuan skuadrën e Vushtrrisë, ku edhe gjetën golin e tretë.
Mirëpo para golit të tretë te Pefqelit, tifozët e Vushtrrisë, “Forca”, e demoluan portën nga tribuna jugore, dhe një pjesë të karrigave ku me pas edhe i hudhën brenda fushës. Kjo erdhi si pakënaqësi kur gjyqtari Gramoz Shala vendosi të akordoj penallti në minutën e 77-të, pas rishikimit të teknologjisë Var. Sipas Shalës, Edon Pasoma shkaktoj ndërhyrje të palejuar brenda zonës ndaj Mërgim Pefqelit.
Por pas këtij incidenti ka ndërhyrë njësia speciale që e zbrazi tribunën ku ishin të vendosur tifozët vushtrrias. Ndeshja rinisi me 15-të minuta vonesë, ndërsa Pefqeli e shënoi edhe golin e tretë të Malishevës.
Ndërsa ajo çka arriti të bënin vushtrriasit në këtë takim, ngushtuan epërsinë në 1:3 me realizator Medin Gashi në minutën e 107-të, i cili realizoj me kokë nga afërsia.
Malisheva me këtë fitore e siguroj qëndrimin në Superligë edhe për një edicion tjetër, derisa Vushtrria e cila synoj rikthimin në elitën e futbollit kosovar pas dy vjetësh, në 100 vjetorin e themelimit të klubit, mbetët ta kërkoj në edicionin e ri kthimin në elitë
18:05 Vushtrria ngushton epërsinë
Medin Gashi i Vushtrrisë e ka ngushtuar epërsinë e Malishevës në ndeshjen që po luhet në Podujevë.
Shënues ishte 16-të vjeçari Medin Gashi, i cili në minutën e 107-të realizoi gol me kokë nga afërsia dhe e mposhti portierin Flamur Gashi.
17:53 Malisheva trefishon epërsinë
Pas 15-të minutave lojë ndalesë Mërgim Pefqeli ka trefishuar epërsinë e Malishevës.
Pefqeli tek në minutën e 95-të, pas ndërprerjes arriti të dërgoj topin në rrjetë nga penalltia. Për 28 vjeçarin ky ishte edhe goli i tij i dytë në këtë takim.
Tani Malisheva po fiton 3:0 ndaj Vushtrrisë, dhe pritet të mbes në Superligë edhe për edicionin 2022/23
17:43 Demolohet porta e thyhen karrige në “Zahir Pajaziti” nga tifozët e Vushtrrisë
Është ndërprerë ndeshja mes Malishevës dhe Vushtrrisë. Në minutën e 76-të, të besuarit e Arsim Thaqit fituan njëmbëdhjetë metërsh vetëm rishikimit nga teknologjia Var.
Mirëpo kjo ka irrituar tifozët e Vushtrrisë “Forca”, të cilët shqyen rrjetën dhe demoluan pjesën e tribunës duke gjuajtur me karrige në fushë.
Kjo erdhi ku gjyqtari Gramoz Shala në minutën e 77-të dha penallti pasi e rishikoi sistemin VAR. Ai pa një tërheqje të Edon Pasomës në Mërgim Pefqelin.
Ky vendim çoi në reagimin e tifozëve vushtrrias. Njësia speciale ka hyrë në atë pjesë të tribunës dhe është duke i larguar nga stadiumi tifozët e Vushtrrisë.
16:49 Malisheva shkon në pushim me epërsi të dyfishtë
Skuadra e Malishevës ka shkuar në pushim të pjesës së parë me epërsi të dyfishtë.
Në ndeshjen finale të barazhit e cila po zhvillohet në stadiumin “Zahir Pajaziti” në Podujevë, rezultati është 2:0 për Malishevën.
Golat për ekipin e “Tornados” erdhën nga Marc Olivier 17’ dhe Mërgim Pefqeli 25’.
Kjo ndeshje përcakëton largimin apo mbetjen në Superligën e Kosovës.
16:26 Malisheva dyfishon epërsinë me Mërgim Pefqelin
Mërgim Pefqeli është shënuesi i golit të dytë për skuadrën e Malishevës.
Pefqeli në minutën e 25-të e plasoj topin në rrjetë, pas një asistim nga Marc Olivier që pak minuta me parë shënoj golin e parë.
16:19 Malisheva në epërsi ndaj Vushtrrisë
Skuadra e Malishevës ka kaluar në epërsi ndaj Vushtrrisë në ndeshjen finale të barazhit për largim apo mbetje në Superligë.
Në minutën e 17-të të ndeshjes të besuarit e Arsim Thaqit, gjetën epërsinë me realizator Marc Olivier, pas një asistimi nga Sobowale.
Ndeshja finale e barazhit po zhvillohet në stadiumin “Zahir Pajaziti” në Podujevë
15:13 Malisheva e Vushtrria publikojnë formacionet
Malishevën dhe Vushtrrinë i pret ndeshja kryesore e sezonit sot në Zahir Pajaziti, me fillim nga ora 16:00.
Ndeshja që përcakton se kush do të luajë në Superligë sezonin e ardhshëm, me Vushtrrinë që pretendon rikthimin në elitë, ndërsa Malisheva synon mbetjen.
Të dyja skuadrat kanë publikuar formacionet zyrtare.
Vushtrria: Tahiri, Pasoma, Shala, Caka, Emini, Maxhuni, Osmani, Halimi, Vecaj, Teqja, Rexhaj.
Malisheva: Gashi, Xhaka, Kryeziu, Dumani, Piraj, Bruqi, Vitija, Pefqeli, Sobowale, Marc-Olivier, Berisha.
