Mali i Zi për momentin nuk planifikon të rrisë numrin e pjesëtarëve të ushtrisë në misionin e KFOR-it në Kosovë.
Për çdo ndryshim të mundshëm të planit të kontributit për forcat e KFOR-it është e nevojshme që Kuvendi i Malit të Zi të marrë vendim, me propozim të Këshillit për Mbrojtje dhe Siguri, raporton teve1.info
Kështu ka bërë të ditur për Pobjeda Ministria e Mbrojtjes së Malit të Zi, të pyetur nëse për shkak të krizës në veri të Kosovës planifikojnë të rrisin numrin e ushtarëve, duke pasur parasysh se një gjë të tillë e kanë bërë edhe disa vende aleate.
Më shumë se 130 trupa shtesë nga Rumania mbërritën në Kosovë të premten për të forcuar më tej misionin paqeruajtës të NATO-s në Kosovë, përveç dyqind trupave britanike të dislokuara në fillim të këtij muaji.
Vendosja e këtyre trupave shtesë erdhi pas një sulmi të dhunshëm ndaj policisë së Kosovës më 24 shtator dhe rriti tensionet në rajon.
– Mali i Zi ka marrë pjesë në misionin e NATO-s në Kosovë që nga 18 tetori 2018.
Një oficer dhe një nënoficer i Ushtrisë së Malit të Zi aktualisht janë caktuar në KFOR, bazuar në Vendimin e Kuvendit të Malit të Zi për pjesëmarrjen e pjesëtarëve të Forcave të Armatosura Kroate në misionin e NATO-s në Kosovë, të datës 5 korrik 2018./teve1.info/
