Mali i Zi ka shënuar fitore shumë të vlefshme të dielën mbrëma. Në Podgoricë, Mali i Zi fitoi 2:1 ndaj Bullgarisë, në kuadër të kualifikimeve për Euro 2024.
Golin e fitores e shënoi Stevan Jovetiq në minutën e 96-të. Në minutat shtesë të pjesës së parë, Mali i Zi kaloi në avantazh 1:0. Stefan Saviq ishte realizator.
Bullgaria barazoi në 1:1 në minutën e 79-të. Golashënues ishte Preslav Borukov.
Prej minutës së 59-të, Mali i Zi luajti me një lojtar më pak në fushë. Igor Vujaçiq u përjashtua me karton të kuq. Bullgarët e humbën një penallti më pas.
Driton Camaj luajti prej minutës së 76-të për Malin e Zi. Mali i Zi tashmë i ka tetë pikë nga pesë ndeshje në Grupin G. Bullgaria mbetet me vetëm dy pikë.
