Shteti i Malajzisë ka hequr vizat për qytetarët e Kosovës, kështu ka njoftuar presidentja e Kosovës, Vjosa Osmani.
Osmani ka thënë se ky është një hap i rëndësishëm, i kombinuar me hapjen e ardhshme të Ambasadës së Kosovës në Kuala Lumpur.
“Përpara vizitës time zyrtare në Malajzi javën e ardhshme, u jam thellësisht mirënjohës autoriteteve të Malajzisë për vendimin e tyre për të lejuar lirim nga vizat për të gjithë qytetarët e Republikës së Kosovës për qëndrime deri në 30 ditë. Ky hap i rëndësishëm, i kombinuar me hapjen e ardhshme të Ambasadës sonë në Kuala Lumpur gjatë vizitës sime javën e ardhshme, është një shenjë e qartë se lidhjet midis dy vendeve tona po forcohen çdo ditë e më shumë”, shkroi Osmani në platformën“X”.
Madje, Osmani ka shprehur mirënjohje të sinqertë ndaj institucioneve të Malajzisë për këtë vendim kuptimplotë.
“Mezi pres të angazhohem me liderët shtetërorë javën e ardhshme ndërsa punojmë së bashku për të thelluar bashkëpunimin tonë dhe për të avancuar interesat e përbashkëta të popullit tonë”, ka shkruar presidentja./teve1.info/
Ahead of my official visit to Malaysia next week, I am deeply grateful to the Malaysian authorities for their decision to grant visa exemptions for all citizens of the Republic of Kosovo for stays of up to 30 days.
This important step, combined with the forthcoming opening of… pic.twitter.com/xnvHFeZ2JK
— Vjosa Osmani (@VjosaOsmaniPRKS) April 25, 2025
