Skuadra e Pejës, edhe këtë edicion nuk po ka fat me lëndime.
Pas një rekordi të lëndimeve edicionin e shkuar, verdhezinjtë edhe këtë sezon duket se po i përcjell fati i njejtë.
Qendra kanadeze, Adong Makoui e ka mbyllur sezonin para kohe, pas një lëndimi në krah.
Këtë e ka bërë të ditur faqja zyrtare e Pejës në rrjete sociale, ku skuadra nga Karragaqi nuk llogarit më në basketbollistin 24-vjeçar.
“Pas testeve të vazhdueshme të kryera gjatë kohëve të fundit, kemi ardhur në përfundim se basketbollisti i skuadrës tonë – Adong Makuoi, ka mbyllur sezonin pas lëndimit të rënd në krahëror.
Fatkeqësisht, Makuoi nuk do mund të jetë ndihmë për skuadrën gjatë këtij edicioni, por KB Peja do ta vëzhgojë nga afër rikuperimin e tij me shpresën që çdo gjë do të kaloj në mënyrën më të mirë të mundshme.” Thuhet në njoftimin e skuadrës së Pejës.
Kryesia e klubit menjëherë ka reaguar duke parë gjendjen shëndetësore të Makoui, ku e kan zëvendësuar me amerikanin Darnell Cowart, i cili debutoi në mënyrë fantastike në Fiba Europe Cup.
Peja sot me fillim të orës 19:00 zhvillon ndeshjen e mbetur të xhiros së tretë, ku do të jen mysafir të skuadrës së Borës.
