Ylli i muzikës pop Madonna i ka kërkuar Papa Leos të vizitojë Gazën në një mision humanitar për të ndihmuar fëmijët palestinezë që po vdesin nga uria, duke thënë se “nuk ka më kohë”.
Superylli amerikan iu lut Papës së ri që të vizitonte enklavën në një postim në Instagram dhe tha: “Atë i Shenjtë. Të lutem shko në Gaza dhe sill dritën tënde tek fëmijët para se të jetë tepër vonë. Si nënë, nuk mund ta duroj dot vuajtjen e tyre. Fëmijët e botës u përkasin të gjithëve. Ti je i vetmi prej nesh që nuk mund të të mohohet hyrja.”
Madonna tha se po i bënte thirrje Leos të vizitonte Gazën sepse “politika nuk mund të ndikojë në ndryshim”, por “ndërgjegjja mundet”.
Në postimin e publikuar në ditëlindjen e djalit të saj, Rocco, Madonna tha se dhurata më e mirë që mund t’i bënte është “t’u kërkojë të gjithëve të bëjnë çmos për të ndihmuar në shpëtimin e fëmijëve të pafajshëm të zënë në mes të zjarrit në Gaza”.
Që kur filloi mandatin e tij, Papa ka qenë i ashpër në kritikat e tij ndaj luftës së Izraelit në Gaza, duke shprehur vazhdimisht shqetësimin e tij për civilët palestinezë që përballen me bombardimet izraelite.
Rikujtojmë, se Madonna po bashkëpunon me Netflix për të sjellë jetën dhe karrierën e saj ikonike në ekran.
Sipas medias amerikane një miniserial biografik është në fazat e hershme të zhvillimit në platformë. Në krye të prodhimit ekzekutiv, përveç yllit 66-vjeçar, do të jetë edhe Sean Levy përmes kompanisë së tij, 21 Laps, e cila ka një marrëveshje ekskluzive me Netflix.
Ky projekt i ri nuk është i lidhur me filmin biografik të Madonna-s, i cili ishte njoftuar më parë nga Universal, ku fituesja tre herë e çmimit Emmy, Julia Garner, do të luajë rolin kryesor.
Megjithatë, sipas raportit, ylli mbetet zgjedhja e preferuar për serialin ambicioz.
Varet vetëm nëse do të jetë e disponueshme, pasi ajo ende nuk ka nënshkruar një marrëveshje zyrtare.
Vërehet se aktorja e famshme do të luajë në një mini-serial të ri në platformë, i cili do të trajtojë rënien e bursës së kriptomonedhave FTX.
Ky do të jetë bashkëpunimi i saj i tretë me Netflix, pas pjesëmarrjeve të saj të suksesshme në “Inventing Anna” dhe “Ozark”.
