Kjo është bërë e ditur nga Pallati Elize në Francë.
“Pasi ka biseduar me presidentin ukrainas dhe në koordinim me të, presidenti Macron e ka thirrur Vladimir Putinin dhe i ka kërkuar që të ndalë menjëherë operacionet ushtarake ruse, duke theksuar se Rusia rrezikon sanksione masive”, tha Elize, teksa Macron ka marrë pjesë në samitin e Bashkimit Evropian në Bruksel.
Deklaratat e lëshuara nga Zyra e Macronit ishin të kundërta me ato të lëshuara nga Kremlini, që tha vetëm se dy liderët kishin “një shkëmbim serioz dhe të sinqertë të pikëpamjeve” mbi Ukrainën.
Kremlini tha se Putini i ka dhënë Macronit një shpjegim të gjatë se pse ka urdhëruar forcat e tij të kryejnë operacion ndaj Ukrainës.
Sot gjatë ditës, Macron tha se “ne do të përgjigjemi pa dobësi ndaj këtij akti të luftës”.
