Presidenti i Francës, Emmanuel Macron, do të takojë të hënën homologun e tij serb Aleksandar Vuçiq në Paris.
Në këtë takim është bërë e ditur se pritet të diskutohet mbi integrimin evropian të Serbisë dhe marrëdhëniet ndërmjet Kosovës dhe Serbisë, njoftoi Presidenca franceze.
Vuçiq pritet në pallatin presidencial francez rreth orës 20:00, ku do të ketë një deklaratë të përbashkët për media, pas së cilës do të ketë një darkë për dy krerët e shtetit.
Me këtë rast, Macron do të “riafirmojë angazhimin dhe mbështetjen e plotë për integrimin evropian të Serbisë” dhe se “normalizimi i marrëdhënieve me Kosovën është pjesë integrale e procesit të anëtarësimit në BE”, thuhet në njoftimin e publikuar mbrëmë.
Ndërkaq, Elysée njoftoi se “të dy presidentët do të diskutojnë për forcimin e bashkëpunimit dypalësh në fushat e mbrojtjes, energjisë, inovacionit dhe inteligjencës artificiale”.
