Në një intervistë për televizionin LCI, Macron thotë se Franca do të vazhdojë të ushtrojë presion ndaj Rusisë përmes sanksioneve.
“Situata po përkeqësohet çdo ditë. Njerëzit vdesin, lodhja vendoset në … ne nuk kemi arritur të marrim një armëpushim”, tha Macron, raporton The Guardian.
Ndryshe, presidentja e Komisionit Evropian, Ursula Von Der Leyen ka njoftuar se Bashkimi Evropian është duke përgatitur sanksione të reja ndaj Rusisë për “shkak të pamaturisë së Kremlinit ndaj qytetarëve”.
Teksa foli në Bruksel para takimit me kryeministrin italian Mario Draghi, Von Der Leyen tha se do të diskutojnë për situatën në Ukrainë dhe luftën mizore nga presidenti rus, Vladimir Putin.
Sipas saj, dy udhëheqësit do të diskutojnë gjithashtu edhe për “një paketë të re të zbatimit”./teve1.info/
