Presidenti i Francës, Emmanuel Macron në konferencën për shtyp së bashku me kryeministrin e Shqipërisë, Edi Rama, u pyet lidhur me qëndrimet e Francës, sa i përket pozicionimit të presidentit serb, Aleksandar Vuçiq për tensionet në veri të Kosovës dhe po ashtu ngjarjen e 24 shtatorit.
Macron tha se është përgjegjësi e Vuçiqit që të dënojë aktin e 24 shtatorit, ndërsa nga Kosova pret një riorganizim të zgjedhjeve në veri, pjesëmarrjen e serbëve në këto zgjedhje dhe njohjen e Asociacionit.
“Ne e ndjekim më shumë vigjilencë tensionet mes Prishtinës dhe Beogradit. Franca dhe Gjermania kanë bërë një propozim që mendoj se është i mirë dhe presim te respektohet nga të dyja palët. Besoj se është përgjegjësi e Vuçiq që të dënojë aktin e 24 shtatorit. Ajo që presim nga Kosova është riorganizim i zgjedhjeve në veri, pjesëmarrjen e serbëve në këto zgjedhje dhe njohjen e Asociacionit plotësisht dhe totalisht. Pres që presidenti Vuçiç dhe presidentja dhe kryeministri i Kosovës, të jenë të përgjegjshëm…Pres të angazhohen të dyja palët që të ecin përpara në javët e ardhshme. Është kushti i paqes në të gjithë zonën” u shpreh Macron. /abcnews.al
