Përmes një postimi në Twitter, Macron tha se kërkesë priotare ndaj Rusisë mbetet armëpushimi dhe mbrojtja e civilëve.
“Unë fola sot me Presidentin Putin dhe më pas me Presidentin Zelensky. Ne po ndërmarrim punë për të ruajtur integritetin e instalimeve bërthamore civile të Ukrainës, përveç kërkesave prioritare të bëra ndaj Rusisë: armëpushimi dhe mbrojtja e civilëve.”, ka shkruar Macron.
J'ai parlé aujourd'hui au Président Poutine puis au Président Zelensky. Nous engageons un travail pour préserver l'intégrité des installations nucléaires civiles de l'Ukraine, en plus des exigences prioritaires portées à la Russie : cessez-le-feu et protection des civils.
— Emmanuel Macron (@EmmanuelMacron) March 6, 2022
Ndryshe, të dielën Agjencia Ndërkombëtare e Energjisë Atomike ka njoftuar se rregullatori bërthamor i Ukrainës raportoi probleme komunikimi me stafin që operon në termocentralin bërthamor në Zaporizhzhia në Ukrainën juglindore.
Autoritetet në Ukrainë i kanë thënë Agjencisë Ndërkombëtare të Energjisë Atomike se stafi i rregullt vazhdon operimin e centralit.
“Menaxhimi i uzinës tani është nën urdhrat e komandantit të forcave ruse që kontrollojnë vendndodhjen”, kanë thënë autoritetet ukrainase.
Ndryshe, rusët kishin sulmuar këtë termocentral por që nuk kishte pasoja, teksa ekspertët deklaruan se ato kanë mundur të jenë fatale./teve1.info/
