Pavarësisht se u pezullua për nëntë muajt e ardhshëm që të mos merret me futboll, Lyoni i ka ofruar mbështetje trajnerit Paolo Fonseca, të cilin dëshiron ta mbajë si trajner edhe pas shpërthimit të tij ndaj gjyqtarit të ndeshjes kundër Brest.
“Ju jeni i duhuri për Lyonin”, ka shkruar presidenti i Lyonit John Textor në “Instagram”.
“Gëzuar ditëlindjen Paulo! Unë jam me ty sot. Ishte një gabim dhe kërkim falja jote ishte e sinqertë. Dënimi yt është qartësisht shumë i rëndë. Ti je njeriu i duhur për OL dhe ne do të ngulmojmë së bashku me ty. Forca OL!”, ka shkruar amerikani.
Paulo Fonseca u suspendua të mërkurën duke u pezulluar nga stoli dhe dhoma e zhveshjes deri më 30 nëntor nga komisioni disiplinor, pas kërcënimit me kokë ndaj gjyqtarit të ndeshjes, në fundjavën e kaluar.
