Lëvizja Vetëvendosje mbyll fushatën zgjedhore më 7 shkurt në orën 19:00 në sheshin “Skënderbeu” në Prishtinë.
Në njoftimin e partisë në Facebook, thuhet se tubimi elektoral “do të jetë më madhi që ka parë ndonjëherë Kosova”.
“Të premten, me 7 shkurt në ora 19:00, në sheshin “Skënderbeu” në Prishtinë, mbajmë tubimin elektoral më të madh që ka parë ndonjëherë Kosova. Bashkë, le t’i mbushim sheshet cep më cep!”, thuhet në njoftim.
Ndërkohë, fushatën zgjedhore PDK-ja e mbyll më 8 shkurt në sheshin “Zahir Pajaziti” në Prishtinë, në orën 16:00.
“Me mirënjohje të thellë për mbështetjen tuaj të jashtëzakonshme, ju ftoj të gjithëve në përmbylljen madhështore të fushatës sonë!”, njoftoi kryetari i kësaj partie, Memli Krasniqi./teve1.info/
