Ekzekutivi e deputetë të shumicës vazhdojnë të insistojnë për hedhje të nënshkrimit të marrëveshjeve ndërmjet Kosovës e Serbisë për zbatimin e tyre të plotë.
Këtë një ditë më parë e tha, Nenad Rashiq, ministër për Komunitete dhe Kthim.
E nga partia në pushtet , theksojnë që është Serbia ajo që po ik nga nënshkrimi.
“Ne jemi të interesuar për zbatim të plotë të marrëveshjes bazë të Brukselit, në secilën pikë, nga pika e parë deri te pika e fundit. Por jo shkëputje selektive të një pike të caktuar të cilën pastaj e përdor si parakusht për zbatimin e marrëveshjes… Për draftin e statutit të Asociacionit natyrisht kryeministri ka qenë i gatshëm të nënshkruan marrëveshjen bazë planin e Ohrit dhe draftin e paraqitur por që Serbia është pala që po ik nga nënshkrimi”, tha Adnan Rrustemi deputet i Lëvizjes Vetëvendosje.
E partitë opozitare, LDK e AAK druhen se tashmë kryeministri Kurti, është pajtuar për themelimin e Asociacionit.
“Marrëveshja vetëm se është nënshkruar nga kryeministri Kurti, ndërsa sa i përket Asociacionit nuk e përkrahim një Asociacion që është përtej Kushtetutës së Republikës së Kosovës, ju e dini që aty ka dicka më të madhe se Asociacioni ka të bëjë me një autonomi më të madhe për komunat serbe, që është në këtë marrëveshje sepse nëse i referohemi marrëveshjes së Ohrit aty del se ka përtej Asociacionit” , tha deputetja e LDK-së Rrezarta Krasniqi.
Ndërsa deputetja, e AAK-së, Time Kadrijaj deklaroi se, me veprimet e fundit që ka bërë ekzekutivi, meriton shkarkimin.
“Rregullorja e BQK-së dhe implementimi i kësaj rregullore, duke dashtë të shkaktoi kaos, tërheqje të vëmendjes pranimin e Asociacionit dhe sa më parë që kjo qeveri shkon në shtëpi do të jetë më mirë për Kosovën dhe qytetarët e Kosovës”, tha ajo.
TËVË1 ka tentuar të marrë një qëndrim edhe nga Partia Demokratike e Kosovës, por të njëjtit nuk kanë qenë të qasshëm gjatë ditës.
