Mbledhja e KQZ-së përfundoi normalisht.
E gazetarët u interesuan për të bërë pyetje.
Por, ky fakt e pengoi edhe një herë, anëtarin e VV-së në KQZ, Sami Kurteshi.
Ky i fundit, mori përsipër ta mbante rendin brenda sallës.
Por, Kurteshi nuk u ndal me kaq.
Në llogarinë e tij në Facebook, Asociacionin e Gazetarëve të Kosovës, e quajti Aleancë të Grupeve Kriminale.
Madje edhe listoi disa mediume, të cilat sipas tij, janë mbrojtës të vrasësve me pagesë.
Për këtë, AGK, ka një kërkesë për partinë të cilën Kurteshi e përfaqëson në KQZ.
“Nuk është hera e parë që z. Kurteshi e quan AGK-në, organizatën e vetme që i mbron gazetarët në Kosovë, si Aleancë të Grupeve Kriminale. Është një e papërshtatshme dhe e papërgjegjshme dhe rrezikshme. Renditja e një liste të medieve që z. Kurteshi i quan si vrasës me pagesë është një gjuhë e nxitjes së urrejtjes e cila në fakt mund të transformohet edhe në dhunë fizike ndaj gazetarëve kur ata e bëjnë punën e tyre. Në i bëjmë thirrje VV-së, liderit të saj, z. Kurti por edhe presidentes të vendit, ta shqyrtojnë largimin e z. Kurteshi nga të qenurit anëtar i KQZ-së”, tha kryetari i AGK-sëm Xhemajl Rexha.
Sipas Rexhës, kjo nuk është hera e parë që Kurteshi përdor gjuhë të tillë ndaj gazetarëve.
“Z. Kurteshi njihet për sulmet e tij brutale ndaj gazetarëve dhe medieve tash e një kohë, sidomos prej kur është anëtar në KQZ dhe ajo çfarë ka ndodhur në dy ditët e fundit është vetëm një përsëritje e një praktike shumë të dëmshme”, tha ai.
Reagim të menjëhershëm të VV-së, po kërkojnë edhe përfaqësuesit e shoqërisë civile.
“VV duhet ta analizojë e ta trajtojë me seriozitet të plot e më përgjegjësinë e një subjekti politik, sepse kanë qenë kritik të ashpër ndaj atyre që kanë sulmuar mediumet dhe shoqërinë civile. Duhet të marrin masa e të veprojnë karshi rritjes së bashkëpunimit me mediumet dhe OJQ-të, që për fat të keq nuk po ndodh një gjë e tillë, e duhet të kthehet raporti e të krijohet komunikimi me mediat e OJQ-të”, tha Kenan Gashi nga AVONET.
Për këtë çështje, Tëvë1 ka pyetur edhe në Lëvizjen Vetëvendosje.
Por që të njëjtit, nuk kanë kthyer përgjigje.
Për gjuhën e Kurteshit, ka reaguar edhe Zyra e Bashkimit Evropian në Kosovë, Ambasada e Gjermanisë si dhe organizata të tjera që merren me mbrojtjen e të drejtave të gazetarëve.
