Nevzad Lutfiu ish-kryetar i Këshillit Kombëtar të Shqiptarëve në Luginë e Preshevës ka thënë se në vitin 2025 duhet të vazhdojnë protestat për ndaljen e diskriminimit të shqiptarëve në Serbi.
Ai po ashtu ka përmendur se për të quar përpara kërkesat e tyre duhet një unifikim i brendshëm dhe koordinim ndërmjet Qeverisë së Kosovës dhe Shqipërisë.
“Protestat duhet të vazhdojnë, sepse në rast se ne heshtim, atëherë besoj që gjërat tona do të vështirësohen. Së dyti ne na duhet unifikim i brendshëm që zëri ynë të ketë jehonë sa më shumë dhe e treta, unë besoj që një koordinim i plotë i Qeverisë së Kosovës dhe Shqipërisë. Nëse këto tri gjëra i realizojmë në vitin 2025 do të kemi sinjale pozitive sa i përket pozitës sonë në Luginë të Preshevës”, ka thënë Lutfiu në emisionin “Ditari” në Tëvë1.
Ai ka thënë se shqiptarët që jetojnë në Serbi kanë nevojë për mbështetje politike.
Pasivizimi i adresave e diskriminimi në punësim sipas tij kanë vazhduar edhe gjatë vitit 2024.
Ai ka thënë se kërkojnë që të jenë pjesë e marrëveshjes përfundimtare të marrëveshjes ndërmjet Kosovës dhe Serbisë.
Lutfiu ka thënë se edhe në takimet me ndërkombëtar ka shprehur shqetësimin për qasjen e ndërkombëtarëve dhe heshtjen ndaj problemeve të tyre në Serbi
