Kryetari i Këshillit Kombëtar Shqiptar, Nevzad Lutfiu, ka thënë se komuniteti shqiptar është i vetmi që përballet me sfida nga shteti i Serbisë nga 24 pakica sa jetojnë në këtë shtet.
Ai ka thënë se përmes protestës së sotme kanë kërkuar që të avancohet të drejtat e tyre si dhe vëmendjen e faktorit ndërkombëtar.
“Janë 24 pakica dhe asnjë tjetër si komuniteti shqiptar nuk përballet me sfida nga shteti. Kërkuam që të avancohet të drejtat e tona, me theks të veçantë kërkuam vëmendjen e faktorit ndërkombëtar. Si goditja më e rëndë që jemi duke e përjetuar është pasivizimi i adresave”, ka thënë Lutfiu në emisionin “Ditari” në Tëvë1.
Ai ka thënë se shqiptarët po përballen me diskimin në punë si me mungesë të librave në gjuhën shqipe.
Lutfiu ka thënë se edhe sot nxënësit mësojnë si para shumë vitesh, ku mësuesi dikton e nxënësit marrin shënime.
Të hënën, qytetarët e tri komunave shqiptare në Serbi protestuan për shkelje të të drejtave të tyre në punësim e shkollim. Protestës i prinë përfaqësuesit shqiptarë në Serbi, ata patën thirrje për ndërkombëtarët dhe Qeverinë e Serbisë.
