Kryetari i Këshillit Kombëtar Shqiptar, Nevzad Lutfiu, ka njoftuar se është ftuar të paraqitet në stacionin policor në Bujanoc të mërkurën.
Ai ka thënë se paraqitjes në polici ka kuptuar se ftesa ka ardhur për shkak të protestës së organizuar më 12.08.2024, konkretisht për shpërndarjen e njoftimeve për këtë protestë e që nuk kanë marrë leje për vendosjen e tyre.
“Gjatë intervistës kuptova se arsyeja e thirrjes është protesta e organizuar më datë 12.08.2024, konkretisht për shkak që për vendosjen e dy bilbordeve(njoftimeve të protestave) nuk kemi marrë leje nga Komuna e Bujanocit dhe për vendosjen e tyre nuk kemi paguar taksën e paraparë”, ka thënë ajo duke treguar se “kjo procedurë nga Prokuroria është ngritur si rezultat i një shkresë anonime”.
Ai ka thënë se nuk ka procedura ligjore ndaj qytetarit serb që kërkon bombardimin e KKSH-së, ndërsa kanë filluar për një protestë paqësore.
“Imagjinoni, një qytetar serb me emër dhe mbiemër kërkon zola për ta bombarduar ndërtesën e KKSH, një zyrtare policore na quan minjë neve që protesuam në Medvegjë, ndaj tyre nuk është ngritur procedurë, ndërsa kanë nisur procedurë për një protestë paqësore e organizuar në gusht të këtij viti në Bujanoc.Sa më i madh të jetë presioni për të na heshtur, aq më i madh do të jetë volumi jonë”, ka thënë Lutfiu.
