Nënkryetari i Lidhjes Demokratike të Kosovës, Lutfi Haziri ka thënë se nga debatet parlamentare kryeministri, Albin Kurti ka konfirmuar se për të me rëndësi është Lëvizja Vetëvendosje dhe jo Republika.
Derisa ka përmendur diskutimet në parlament, Haziri tha se dikur LDK-ja e ka detyruar Vuçiqin që të nënshkruaj, teksa ka thënë se Kurti nuk po mundet ta bëjë një gjë të tillë.
Kjo pasi sipas tij, Kurti ka shkaktuar marrëveshje të përkohshme dhe e ka amnistuar Vuçiqin.
“Sa për informatë, partia instuticionale LDK është siguruar me Gjykatën Kushtetuese dhe letrën garantuese të ish të dërguarës së posaçme të BE-së për dialogun, Frederica Mogherinit, e cila ka garantuar sovanitetin dhe rendin kushtetues të Kosovës e duke detyruar Vuçiqin të nënshkruaj, por që Kurti s’po mundet. A e dini pse? Sepse ka shkaktuar marrëveshje të përkohshme dhe ka amnistuar Vuçiqin nga detyrimi për pranim de jure të Republikës së Kosovës, ndërkaq krekoset për njohje de fakto”, ka thënë ai.
Ai ka thënë se “kryeministri i VV-së nuk ka tradhtuar BE-në, ndoshta as Evropën dhe as shqiptarët kudo që janë”, por sipas tij vetën.
“Kurti ka tradhtuar besimtarët e majtë të VV-së, e ka tradhtuar vetveten dhe do besimtarë që vetën e quajnë “guximtarë”, të cilët, po ashtu, kanë guxu me e tradhtu vetën e tyre, duke besuar që po ia bëjnë këtë LDK-së. LDK janë lojalista dhe mbeten instuticionilista përjetë. Për ne, de fakto Pavarësia e Kosovës ka ndodhur me 2 korrik 1990! Të gjitha proceset pas saj janë procese për njohje de jure. Je i vetmi që tradhtove kauzën tuaj, besimtarët tuaj të VV-së,partnerët tuaj azgana dhe veten tuaj. Albin Kurti kryeministër e tradhtoi Albin Kurtin opozitar!”.
Tutje ai ka thënë se fati jonë është vendosur më 2 korrik.
“Mos na shit mjegull neve institucionalistëve që Serbisë më 12 qershor 1999 ia kemi treguar largimin pa kthim nga toka e Kosovës! Prej 17 shkurtit 2008 jemi sovranë në tokën tonë dhe të barabartë me familjet sovrane në botë. Ka mbetur edhe pak punë që ju po zhagisni nga mosbashkëpunimi dhe mungesa e vizionit për një Kosove europiane e në NATO! Veç po na vononi, përndryshe kemi me mbrri aty me apo pa ty. Fati jonë është vendosur me 2 korrik!”, ka shkruar Haziri.