Përmes një postimi në Facebook, deputeti opozitar deklaroi se do të votojë kundër për shkak se “dëshiron ta mbrojë familjen”, teksa i ka ftuar edhe kolegët e tij të veprojnë njësoj.
“Shumë shtete evropiane kanë ruajtur vlerat tradicionale të familjes së shëndoshë, po ashtu edhe vendet e rajonit. Madje edhe kancelarja Merkel kishte votuar kundër martesave mes gjinisë së njejtë sepse siç e kishte theksuar ajo martesa është mes burrit edhe gruas. Andaj, edhe unë si përfaqësues i popullit do të votoj kundër Projekt Kodit Civil i cili ju jep hapësirë martesave mes gjinisë së njejtë, për arsye se jam pro familjes dhe se bie ndesh me ideologjinë politike që une ndjek dhe bindjet e mija personale”, shkroi ai.
Ndryshe, edhe deputetja, Duda Balje, ka treguar se do të votojë kundër një projekt kodi të tillë, duke theksuar se nuk do del kundër fesë të cilës i përket.
Ndërkaq, edhe shefi i Grupit Parlamentar të Aleancës për Ardhmërinë e Kosovës, Besnik Tahiri, ka njoftuar se do të votojnë kundër një propozimi të tillë të enjten.
