Ai në emisionin “Ditari” në Tëvë1, tha se kjo Qeveri nuk ka aftësi buxhetin qe e ka ta realizojë.
“Kurrë Kosova e udhëhequr nga një Qeveri e pavarur nuk ka qenë më keq në aspektin e zbatimit të buxhetit dhe kjo po ndodhë me Qeverinë Kurti. Nuk kanë aftësi që buxhetin që kanë ta realizojnë”, tha ai.
Ai ka folur edhe situtanë në veri duke kritikuar kryeministrin Kurti sa i përket zgjidhjes së problemit në këtë pjesë të vendit.
“Unë nuk jam që problemet e brendshme e veriut të Kosovës t’i bëjmë probleme në dialog të Kosovës. Si PDK besojmë se vetëm me njohje reciproke mund të zgjidhen këto probleme”, ka thënë Lushtaku.
Deputeti i PDK-së ka mohuar se zbatimi i marrëveshjes për targat nga ana e Qeverisë së PDK-së ka qenë mungesë e vullnetit politik.
Ai ka thënë se si parti kanë pasur planin për zbatim por që nuk kanë arritur ta zbatojnë edhe për shkak të ndryshimeve në qeveri.
I pyetur për takimin dhe pritjet e takimit ndërmjet Kurtit dhe Vuçiqit më 18 gusht, Lushtaku tha se diskutimi për tabelat dhe letërnjoftimet do të ishte kthim mbrapa.
“Ç’do takim që ka për qëllim kthimin mbrapa për diskutim në çështje teknike është i papranueshëm”, është shprehur Lushtaku.
