Lushtaku për Tëvë1 tha se Vetëvendosje është munduar në çdo formë ta anashkalojë hetimin e menaxhimit të krizës energjetike.
“Dhuna dhe forca dallojnë, në kuptimin që ne kemi përdorur protestë të orientuar mirë që të mos cenohet dinjiteti i askujt. Por mbi të gjitha është në interes të qytetarëve që të zbulohet mashtrimi eventual, që tashmë është i bazuar në disa gjetje që i kemi bërë dhe janë të prezantuara në publik. Po shihet qartë që ka një skandal të madh që Vetëvendosje është munduar në çdo formë të anashkalojë, të ndalojë procedimin e këtij komisioni hetimor”, tha Lushtaku në emisionin “Ditari” në Tëvë1.
Teksa shtoi tutje se protesta e sotme e opozitës në Kuvend ishte e imponuar për faktin se Qeveria po mundohet të ushtrojë diktat mbi legjislativin.
