Kryetarja e forumit të Gruas së LDK-së, Jehona Lushaku-Sadriu, ka komentuar deklaratat e deputetit Haki Abazi i cili tha se dihet qartë kush ka hyrë te frigoriferi ku ruheshin mostrat e Astrit Deharit dhe shtoi se ka video-incizime për këtë.
Lushaku shkroi se këto supozime kërkojnë përgjigje të menjëhershme nga Qeveria por edhe hetime nga prokuroria.
“Është e trishtueshme dhe kriminale që të mos ketë përgjigjje e përgjegjësi të dhënë deri tani për zhdukjen e mostrave të Astrit Deharit! “.
Tutje ajo përmendi edhe deklaratat e Abazit se qeverisja e VV-së karakterizohet nga ngulfatja e demokracisë së brendshme dhe kontrolla nga persona të caktuar.
“Çdo qeverisje e brendshme partiake tregon edhe mënyrën e qeverisjes në pushtet. Fatkeqësisht, nga gjithë kjo katrahurë ndodhishë, kjo qeveri dëshmon se nuk është vetëm e paaftë, por skajshmërisht e dëmshme për Kosovën. Fatkeqesisht dëshira e votuesve për ndryshim, solli diktaturë me vote”, përfundoi ajo.