Në një konferencë të jashtëzakonshme për media, Lumezi thotë se ndaj 50 të arrestuarve – 48 zyrtarë policorë dhe 2 doganorë, janë konfiskuar disa telefona mobilë.
Tutje, ai thotë se ndaj disa zyrtarëve për të cilët ka pasur aktvendim për nisjen e hetimeve, nuk janë shtetas të Kosovës, për çka janë në kontakt me autoritetet e Shqipërisë.
“Fillimisht kemi pasur informacione se janë duke u kryer veprat penale të marrjes së ryshfetit dhe duke marrë parasysh që nuk kemi pasur të drejtë të zbatojmë masa të fshehta për personat konkret i kemi lëshuar masat e fshehta vetëm për vepra penale dhe në moment të zbulimit të identiteteve të kryerësve kemi nxjerrë aktvendimin për zhvillimin e hetimeve kundër 68 personave. Sot jemi njoftuar se janë arrestuar 50 zyrtarë, 48 të PK-së dhe 2 të Doganës. Ndërsa personat tjerë ndaj të cilëve është nxjerrë aktvendimi për fillimin e hetimeve janë në arrati, disa edhe nuk janë shtetas të Kosovës, por në këtë drejtim jemi duke bashkëpunuar me autoritetet e Shqipërisë për të siguruar informacione dhe prova që do të na shërbejnë në procedurë penale”, tha Lumezi.
Lidhur me zbulimin e hetimit, kryeprokurori thotë se janë përdorur shumë mjete të hetimit të vëzhgimit të fshehtë për të siguruar prova të mjaftueshme.
https://teve1.info/lajmet/te-arrestuarit-e-sotem-ishin-te-perfshire-ne-mbi-400-veprimtari-te-marrjes-se-ryshfetit/
