Fituesi i edicionit të dytë të ‘BBV’, Luiz Ejlli ka ndarë një video ku mes emocionesh rikujton situatën në të cilën ndodhej përpara një viti, teksa ishte konkurrent në këtë format.
Ai ka thënë se gjatë asaj kohë i është përdorur familja nga ata, derisa ka thënë se moment më i rëndësishëm ishte kur partnerja e tij, Kiara Tito i ka thënë ‘po’.
”Më kujtohen të gjitha padrejtësitë, sulmet, mënyra se si u përdor familja ime, Kiara po ashtu, për të më rënë, për të më ulur, dhe ja dola. Ja dola falë jush, dhe për këtë ju jam mirënjohës për tërë jetën”, tha ai.
Me këtë rast, Luizi gjen momentin të falënderoj partneren e tij që i dha dhuratën më të bukur në botë dhe që i ndryshoi jetën!
“Sot unë i jam mirënjohës asaj, sepse më ka dhënë një vajzë të mrekullueshme që nuk gjej fjalë për ta përshkruar, më ka dhënë një familje, më ka bërë bab, më ka bërë njeriun më të lumtur në botë, kështu që faleminderit Kiara Tito! Faleminderit dhe të gjithëve ju që më mbështetët dhe ia dola!”- shprehet Luizi.
Rikujtojmë që pak ditë më parë Kiara dhe Luizi janë bërë prindër të një vajze, Luna Mari Ejlli.
