Skuadra e Paris Saint-Germain është kualifikuar në finalen e madhe të Ligës së Kampionëve, pasi mposhti mbrëmë Arsenalin.
PSG-ja ka pasur një sezon fantastik në kompeticionin më të rëndësishëm të UEFA-s, duke mposhtur katër ekipe nga Premier League, shkruan Indeksonline
Pikërisht për këtë trajneri spanjoll, Luis Enrique, u pyet pas ndeshjes nga gazetarët në konferencë.
Ai goditi ekipet e Premier League, duke thënë se liga ku luan PSG-ja është “e fermerëve”, ashtu siç e cilësojnë të gjithë.
“Të fitosh ndaj katër ekipeve nga Premier League? Epo, Liga e Fermerëve, e dini? Ne jemi liga e femerëve”, u shpreh Luis Enrique.
Ai u pyet nëse ajo që thotë Arteta është e vërtetë, teksa nuk hezitoi të përgjigjej.
“Nuk pajtohem. Arteta është një mik i shkëlqyer, por nuk pajtohem. Ata luajtën ashtu siç donin, por në të dyja ndeshjet ne shënuam më shumë gola se ata. Duhet të them se na bënë të vuajmë, dhe kjo është ndeshja në të cilën vuajtëm më shumë, por e meritonim të kalonim tutje”, përfundoi trajneri i PSG-së.
