Të atin nuk e mbanë mend fare.
Por, vizitat këtu i ka të shpeshta.
Sumea Kodra, e bija e heroit të kombit Ilaz Kodra, ndjehet krenare me veprimtarinë e babait.
“Unë jam shumë krenare me babin me krejt shokët edhe shoqet e tij që kanë ra për Kosovën, jam shumë krenare që jam cika e tij për krejt fjalët që të tjerët i thonë për të më bën shumë të lumtur edhe jam shumë me fat që e kam pas babe”, shprehet Sumea e bija e heroit Ilaz Kodra.
E mallin për komandantit, e heq vetëm nëpërmjet fotografive.
“Fatkeqësisht unë nuk e mbaj mend hiç, se unë kam qenë vec 11 muajsh edhe vetëm se cka më tregojnë të tjerët se nuk kam kujtime me të përveç fotografive. Me thonë që i kam ngja shumë edhe në pamje, por edhe si karakter”, thotë ajo
E momente me të vëllanë ka shumë.
Por Avni Kodrës nuk i hiqet nga mendja dita kur Ilaz Kodra ra në altarin e lirisë.
“Ilazi me të 29 ka ardh këtu në Vërboc nga Prekazi, për me i vizituar ushtarët e vet ka qenë një moment shumë i vështirë, ka ardh bashkë me shokë në fshat, me 30 prill rrethimi ka qenë shumë i fort nga armiku serb”, tregon ai.
Familjarët kanë shumë kujtime me Kodrën, i cili ishte një prej komandantëve më të shquar të UÇK-së.
QAMIL BAJRAKTARI -NIPI I ILAZ KODRËS 00:38-00:48 (00:57-01:04)
“Të mendosh e të bësh për një afat të shkurt një brigadë e një togë veç ky ka qenë, ky është heroi, ky është liria e pavarësia e Kosovës. Ky me një pushkë e me një çantë fishek arriti të largoi përgjithmonë Serbinë nga Kosova”, shprehet Qamil Bajraktari, nipi i Ilaz Kodrës
Për homazhe në përvjetorin e rënies, në Vërboc erdhën edhe shumë miq të Kodrës.
“E kujtoj komandantin i kujtoj shokët i kujtoj miqt qe janë vra është një ditë tepër e rënd për Drenicën e Kosovën humbja e komandantit por edhe humbja e 350 burrave dhe grave”, tha Sami Lushtaku –nënkryetar i Komunës së Skenderajt.
Ilaz Kodra ka rënë heroikisht më 30 prill të vitit 1999, pasi kishte shkuar për t’i dal në ndihmë popullatës civile, të cilët ishin bërë cak i forcave serbe pas nisjes së bombardimeve të NATO-s.
